>جواز الصالونات<

كتييييييييييير اوى من الشباب والبنا ت اليومين دول بيتجوزوا جواز صالونات والقليل بيتجوزوا جواز عن حب

ا اية رايكم فى جواز الصالونات؟؟؟؟؟؟؟؟؟

وهل انت مع جواز الصالونات ام مع الجواز عن حب؟؟؟؟؟؟؟؟؟؟؟؟؟
ا
اارجـــــــــو التفاعل بابداء الاراء

شوفي يا هبه والله جواز الصالونات في راي انه شيء كويس انتي بتشوفي شخص لاول مره حصل في قبول بتكملوا مع بعض وفي فتره خطوبه اذا لقينا احنا الاتنين ان العلاقه بينا بتتطور ومرتاحين لبعض وحنقدر نكمل مع بعض خلاص يبقي نكمل ويحدث الزواج اذا لم يحدث خلاص ممكن نسيب بعض وعلي فكره شباب كتيررررررررررررررررررررررررر دلوقتي بيفضل جواز الصالونات وربنا يوفقك الجميع

اولا : توبيك جميل وموضوع جيد جداً للمناقشة والتفاعل
لكن ليا تساؤل .. هو كل اللى بيتجوز جواز صالونات ما بيحبش الإنسانة اللى اتجوزها ؟؟
واز الصالونات ده لفظ اطلقناه على الجواز اللى بيتم عن طريق اختيار الأهل لشريك حياتنا وربطنا بينه وبين الارتباط عن حب
واعتقد إن ده خطأ .. لأنه ممكن اتجوز جواز عن طريق اهلى وبرده احب شريكة حياتى كما لم أحب من قبل ..

وانا مع الجواز اللى الإنسان شايف فيه سعادته أيا كان هوه إيه ..

الله تعالى يقول (ومن كل شيء خلقنا زوجين لعلكم تذكرون)، (سبحان الذي خلق الأزواج كلها مما تنبت الأرض ومن أنفسهم ومما لا يعلمون)

" والله تعالى يقول (أحل لكم ليلة الصيام الرفث إلى نسائكم هن لباس لكم وأنتم لباس لهن) أي حاجة الرجل إلى المرأة وحاجة المرأة إلى الرجل، كحاجتهم إلى اللباس والثوب الذي يحقق له الستر والزينة والوقاية والقرب واللصوق والدفء فهذه مكان الزوجية من كلا الطرفين.

و جاء في الحديث "يا معشر الشباب من استطاع منكم الباءة فليتزوج فإنه أغض للبصر وأحصن للفرج

والهام جدا فى اختيار الزوج والزوجة طبقا للحديث التالى

فالحديث يقول: "إذا أتاكم من ترضون دينه وخلقه فزوجوه إلا تفعلوا تكن فتنة في الأرض وفساد عريض".

اما تعقيد الزواج والمشاكل التى تنجم عنة كما ياتى

في الواقع الناس هم الذين عقّدوه، الناس عسروا ما يسر الله لهم، وعقّدوا ما بسّطه الشرع، الشرع يرغِّب المسلم أن يتزوج من مسلمة، أن يذهب إلى أهلها ويطلبها و"أكثرهن بركة أقلهن مهراً" و"يسروا ولا تعسروا"، فالناس هم الذين عسروا هذا الأمر، فأصبحت هناك مائة مشكلة ومشكلة، وألف عقدة وعقدة، مَن الذي يضع هذه العقبات؟ الناس، يأتي في أول شيء الاعتبارات المالية، فنريد مهراً كبيراً حتى يكون هذا دلالة على قيمة الأسرة وأهميتها، وطبعاً الشاب في مقتبل حياته وفي أول سلم حياته ليس معه هذا المال الكثير فمعنى هذا أن مضطر أن ينتظر حتى يستطيع أن يوفر هذا المهر، وليت الأمر يتوقف عند المهر، هناك أشياء ابتدعها الناس، كان زمان هناك حفلة واحدة "أولم ولو بشاة" اذبح شاة عندما تتزوج وأولم بها، الآن يعمل حفلة خطوبة أو بعض الناس تقول عنها الشبكة، ثم حفلة أخرى للعقد عندما يملك عليها ويعقد قرانها، ويعمل حفلة أخرى عند الزفاف والدخول، ثم اخترع الناس شيء سموه "شهر العسل" فيأخذها ويروح بلد أجنبي وكل هذه مصاريف، وكان زمان الناس تعمل الحفلات في البيوت، الآن تعملها في فندق، والفندق يحتاج إلى مبالغ فكل هذه تكاليف الناس كلّفوا بها أنفسهم، أيضاً التأثيث للبيت فلابد أن يؤثث بأفخر الأثاث، وكذلك الهدايا يبعث لهم كما يقولون في بلاد الخليج "الدزّة" ويبعثوا أشياء كثيرة ولا ينتفع بها أحد بعد ذلك.[center]

[color=green]بصى يا بوب
جواز الصالونات زيه زى اى جواز.........ممكن يكون ناجح....وممكن يكون فاشل..
بس الفرق بينه وبين الجواز اللى عن معرفه سابقه
ان الجواز عن الحب....بتتعرفى على الشخص فى المواقف المختلفه وفى ظروف مختلفه وتدريجيا بيجى الاعجاب اللى منه بينبعث الحب من الطرفين .......وطبعا بيكون طرف بيحب الطرف التانى اكتر(بغض النظرعن الاشخاص اللى بتحاول توصل للطرف التانى بالطرق المعروفه وطبعا انا بتكلم عن البنات والشباب........انا بتكلم عن الحب اللى بينشاْ لوحده كده)
لكن...
جواز الصالونات بتشوفو بعض وكل واحد داخل دماغه ان انا جاى عشان اتجوز....ولما بيحصل اللى بيقوله عليه قبول وطبعا ده بيبقى قبول شكلى ..ظاهرى يعنى....بتبداْوا بقى المعرفه الجديه فى الخطوبه ..وبرضو كل طرف بيكون داخل دماغه ان ده جوزى او ان ديه مراتى او هتبقى........وطبعا ديه الغالبيه العظمى
لكن
فيه القليل اللى بيبدء بقى يعيش قصه الحب ويبتديها من اول الخطوبه عشان يبقى حب وصل لجواز وده حلو اووووووووى طبعا........
وده الاريح والانسب بصراحه..منعا للعذاب والجرح
وان كان نفسى طبعا زى كتيييييييييييييييييييير انى اقابل الحب النقى اللى يكبر مع الايام ويتوج بالزواج
وربنا يهدى الجميع الى مايحبه ويرضاه...ويعفو عنا ويرحمنا .........زاللهم امين[/color]

منوره يا هبه بموضوعك ويارب دايما تكونى موجوده بمضوعات احلى واحلى وانا شايفه ان جواز الصالونات جواز فاشل وانا مع جواز الحب بس مش حب اليومين دول ولا الارتباطات والعلاقات الى تحت مسمى الحب لكن لكل انسان زى مابيقولوا نصفه التانى الى دايما لما يشوفه يحس انه هو اللى مستنيه ويرتاحله وبعدين يجى الحب فى فتره الخطوبه لكن مش مجرد حد كويس وجاهز وخلاص علشان لكل انسان عيوب ومميزات ومحدش يقدر يصبر على عيوب التانى الا لو كان بيحبه ويقدر يواجه معاه مشاكل الحياه

شكرا بجد ليكوا يا جماعة على ردودكوا الحلوة دى

بصراحة انا كان يهمنى اعرف ارائكم فى الموضوع دة وفعلا افدتونى بجد

والله اختى انا عرف ان الشاب بيحب على قد ما يحب
وفى الاخر لما يفكر يتزوج بيفكر فى انسانه محصلش
اى ارتباط بينه وبينها.وبيتزوج زواج صالونات زى ما
بتسموه وبعدين اختى انا واحده من الناس متزوجه بهذه
الطريقه والحمد لله سعيده جدا فى حياتى الزوجيه .وانا
شايفه ان موضوع الفشل ده بيجى من الزوجين نفسهم
طباعهم مختلفه ميولهم اهتمامتهم شخصياتهم تربيتهم
كل هذا الاختلاف اكيد يحصل فشل بغض النظر عن
كونه زواج صالونات او غيره.

شوفي يا بوب انا واحدة من الناس مش مقتنعة بجواز الصالونات دة لسبب يمكن بسيط لغيري بس كبير بالنسبة لي و هو انة سرعان ما بيتحول الي حياة روتينية مدمرة... ليـــــــــه .. اقولك.. لان هو واحد جاهز عايز يتجوز ,, وهي واحدة خلاص لقت عريس على رايهم " لقطة" و عايزة تتجوز.. يعني الاتنين غرضهم عملي بحت... اه عشان نجيب عيال واب وام و الهيصة دى..
ولا طبعا بأييد الارتباط واسمحولي الكلام الفارغ اللي مايرضيش ربنا دة.. ابدا..... لان ده اساسة غلط واي شئ بيتبنا على الغلط عمرة مابيستمر ابدا..... و بشوفة اهانة كبيييييييرة للبنت وتقليل من شانها و كبريائها .. وعباره عن سلسلة تنازلات بتدوس على عزة نفس البنت جداا.... و والله يا جماعه انها مواضيع فاشلة .. فاشلة .. فاشلة.. و صعب قوي الولد ياخد البنت الي ماشيي معاها. .. ولو اخدها يا ويلي على الشك اللي دايما هيحطها فية طب وليـــــــــــه ... فين ربنا وضميرك.. واهلك.. و انتــــــــــي و كبريائك .. بتتنازلي مقابل ايه؟؟؟؟؟ ارجوكو يا بنات اوعو.. والموضوع دة صعب جدا الواحد يكتب عنة في كام سطر دة لازم يكون موضوع اساسي للنقاش ان شا الله...
نرجع ليكي يا بوب .. هتقوليلي امال بقة انهي طريقة اللي شايفاها مقنعة... اقولك .. "الجواز الرسمي عن خلفية مسبقة" شفتي الجملة الجامدة دي ههه
لأ بجد.. يعني جواز رسمي وكل حاجة لكن شخصية تكوني عارفاها قبل كدة.. خارج اطار الخطوبه والجواز. على طبيعتها .. بيكون بالعقل قوي لانك شايفاه بدون اي تكليف.. ازاي بيزعل وازاي بيتنرفز واية ردود الافعال.. بخيييل؟؟ كرييم؟؟ اية اولويات حياتة.. يعني حاجات كتيير .. تؤهلك انك تحبية بحدود في الخطوبة.. وطبعا بلااااااااا حدود في الجواز..
انا شايفة ان دة اكتر جواز بيكون ناجح ..وهيكون ياا جماعة جواز بمعناه الالاهي.. اللي ربنا جعل الجواز عشانه.. ان الراجل يحس انة مش كامل ومايقدرش يكمل حياتة من غير مراتة.. و المرأه كمان حب واخلاص بلا حدود و ماينفعش تعيش ولا يوم بعيده عن جوزها....
ال..... الرحمة ..المودة... الالفة .. كــــــــــــل الحاجات دي غابت جدا عن كتير من البيوت للاسف عشان كدة تلاقو الراجل بيشتكي مر الشكوى من مراتة والجواز وسنينة.. و المرأة يا دهوتي على الشكوى.. دة بيعمل ويخلي وينكد..... .......
انا بقولكو ومتاكدة ان الحياه بطريقة اللي ذكرتها هتكون اسعد حياه مهما صار من منغصاه الحياه ما هتفرق طووول ما الاتنين مع بعض والله انا متاكدة.... وفي نفس الوقت متاكدة جدا ان المودة والرحمة عايزة نفوس سليمة وطيبة و الشئ دة اتعدم من زمــــــــــــان في مجتمعنا العظيم دة....
و في الاول و الاخر دة نصيب من الله... وربنا يجعل نصيب جميع المسلمين والمسلمات في الطيب
معلش طولت عليكو لكن الموضوع دة حقيقي مهم جدا و فية جوانب كتير اتمنا نناقشها في مواضيع اخرها كل على حدى....
>جواز الصالونات< 129613_1206823309

شكرا على الموضوع الممتاز ده

و بصراحة كدة الموضوع نزل على الجرح تمام

أنا مش من مؤيدى جواز الصالونات .... لكنه غالبا بيكون الأفضل

أما الزواج القائم على الحب فهو أمنية جميلة لكل فتاة ، و يقابلها أكاذيب لا تنتهى من كل شاب

ازيك يا هبة بصى جواز الصالونات بيكون احسن احيانا من جواز الى عن حب لن الجواز عن حب لما حد من الطرفين بينجرح بيكون جرحو كبير لكن جواز الصالونات بيكون محدش يعرف تانى والحب بكون لسا مش موجود يعنى لما طرف من الطرفين يحب ينسحب بيكون افضل من لما تكونو بتحبو بعض

شكرا ليك يا محمد ويا سارة على مشاركتكم وتفاعلكم مع الموضوع ....

وتسلموا على ارائكم.......