افكار خاطئه

يوجد بعض الاخطاء الشائعه التى لا ينتبه لها الناس خاصه حين التعامل المباشر مع الصيدليه فى الجزء الذى يعرفه كل الصيادله و المدعو otc والتى نختص بها كل الادويه التى يصفها الصيدلى لبعض الامراض البسيطه
وحاوله للتفاعل مع المهتمين بهذا الامر ساقوم بطرح بعض الافكار لكن عليكم ان تقولوا التفسير لهذه الاخطاء
الحاله الاولى:
الميض : الحقنى يا دكتور دور البرد ده مبهدلنى
الصيدلى: عندك ايه بالظبط؟؟
المريض: رشح وزكام وسخونيه
الصيدلى : خد الدواء ده
المريض : ايه ده؟؟؟
الصيدلى : ده كوميتركس وده مضاد حيوى 500 حيخليك كويس


الحاله الثانيه
المريض: يا دكتور والدى بقاله يومين عنده امساك جامد اوى
الصيدلى : خد الملين ده
المريض ايه ده؟؟؟
الصيدلى : ده بيكولاكس نقط ممتاز لكبار السن حتى اقرا الروشته
بعد يومين
المريض : يا دكتور الدوا مجبش نتيجه
الصيدلى : طب خد الدوا ده اقوى
المريض : حيجيب نتيجه
االصيدلى: ده قوى جدا
بعد يومين دخلت سياره اسعاف المنطقه والمريض خلفها يصرخ: ابويا ...ابويا
جار رخم : اكيد ضارب فسيخ مش بيقولوا كان عنده مغص وبيرجع


كفايه كده لما ترضوا عليا الاول وتعرفوا ايه الاخطاء التى وقع به الصيدلى

شكرا اخى للتعليق وفعلا الاخطاء التى تحدث على يد الاطباء او الصيادله كثيره لكن فى حاله الصيدلى تكون بسيطه والقليل جدا منها يكون خطير
فى الحاله الاولى الاجابه سهله جدا ويعرفها الكثيرون وهى ان البرد وبالانجليزيه cold هو اصابه فيروسيه وبالتالى لا تصلح معها المضادات الحيويه ( لانه تعمل على البيكتيريا) لكن الاصابه بالتهاب اللوزتين ( اللوز) هى اصابه بكتيريه وبالتالى يصلح لها المضادات الحيويه ..... ومريضنا فى تلك الحاله لا يعانى من التهاب اللوز...اذا لا فائده من المضاد الحيوى


اما الحاله الثانيه فالمريض لا يعانى من حاله امساك عاديه وذلك لأنه لم يستجيب للملينات العاديه والتى يظهر اثرها من اول او ثانى جرعه ...لكنه مصاب بانسداد معوى وكان علىالصيدلى ان ينصحه بالتوجه للطبيب للاطمئنان